Туркт ажилладаг монгол хүүхнүүдийг “янхнууд” гэж доромжилж цалинг нь луйварддаг
2018 оны Juneын 26

Хилийн дээс алхаж л байвал амьдрал дээшилнэ гэж боддог олон мянган залуусын төлөөлөл Ч.Эрхэмбаяртай ярилцлаа. Тэрээр эхнэрийн хамт БНТУ-д ажиллахаар жил хагасын өмнө очжээ. Гэвч хүмүүсийн ярьж хэлж аваачсан, бодит байдал хоёр тэнгэр газар шиг зөрүүтэй байсныг биеэрээ мэдэрч, монголчууддаа мөнгө төгрөгөө зарлагдан Турк руу явахгүй байхыг хүсч манай сонинд ярилцлага өгсөн юм.

-Турк улс руу явах болсон шалтгаанаа эхлээд ярих уу?

-Эхнэр бид хоёр сургуулиа маркетингийн чиглэлээр төгссөн. Төгссөнөөсөө хойш хагас жил гаруй тасралтгүй ажил хайсан боловч ажил олдоогүй. Зар тавьсан байгууллагад очоод анкет бөглөж, ярилцлагад ороод бараг тэнцчихлээ гэхээр танилынх нь эсвэл  ар өврийн хаалганы хүмүүс орчихсон байдаг. Тэгээд бид хоёр ярилцаж байгаад ерөөсөө залуу, үр хүүхэдгүй байгаа дээрээ хэдэн жил  гадаадад ажиллаж, мөнгө төгрөг хуримтлуулаад, чадвал тэндээ сургууль соёлд нь суралцъя гэсэн бодолтойгоор виз хөөцөлдөж эхэлсэн. Эхлээд өмнөд Солонгосын виз хөөцөлдсөн боловч хоёулангийнх нь гараагүй. Чех рүү бас виз хөөцөлдсөн ч дунд нь зуучилж байсан  хүн мөнгө төгрөгийг минь хулхитаад явчихсан. Ингээд Туркт олон жил амьдарсан гэх нэг эгчийн зөвлөснөөр турк явахаар шийдсэн. Мэдээж визгүй учраас онгоцны зардлаа олоод цаана нь халаасны хэдэн төгрөгтэй байхад очих бүрэн боломжтой.  Тэр эгч  эхнэр бид хоёрт Туркт очвол ажил найдвартай олж өгнө, тэгээд ч амгалан тайван, гоё уур амьсгалтай орон гэх мэтээр магтсан.

-Үнэхээр түүний ярьсан шиг гоё орон угтав уу?

-Үгүй дээ. Онгоцноос  буугаад л шоконд орсон. Яг л дайн байлдаантай улсад оччихсон юм шиг хаа сайгүй буутай цэргүүд, бүр танк хүртэл гарч ирнэ. Өөдөөс буудах гэж байгаа юм шиг л эвгүй. Хэл мэдэхгүй,газар мэдэхгүй хоёрыг чинь шууд л хулхитаж эхэлж байгаа юм.

-Ажил хэр олдох юм, цалин пүнлүү нь хэр вэ?

-Туркт монголчуудаа ажлын байранд зуучилдаг хүмүүс байдаг. Ажилд оруулсны төлөө хагас цалинг нь авдаг. Эхний долоо хоног цалинг нь өгөөд, дараа долоо хоногоос нь унжиж эхэлдэг. Тэгээд сар ажиллуулчхаад цалингийнх нь хагасын хагасыг л өгч байх жишээтэй.  Тийм болохоор  хоёулаа ажлаасаа гарч, дараагийн ажлаа хайсан. Тэгээд оёдлын үйлдвэрт ажилд орлоо.

-Байдал арай дээрдэв үү?

– Өмнөх эзнийг бодвол арай дээр байсан ч сүүлдээ бас л новширч эхэлсэн дээ. Цалин мөнгөнөөс илүүтэй эхнэрийг маань оролдож эхэлсэн нь хэцүү байсан. Ер нь турк эрчүүд их садар. Эхнэрийг маань өрөөндөө дуудаж хоёр удаа хүчиндэхийг завдсан. Би уулзаад “Энэ бол миний эхнэр” гэхэд “Тэр хамаагүй, турк хүний эхнэр байсан бол би оролдохгүй, монгол хүний эхнэр учраас би санасандаа хүрнэ” хэмээн хаширсан.Гаръя гэхээр цалингаа яс өгдөг болохоор хаяад явчихаж болдоггүй.  Ажлаа хийхийн зэрэгцээ эхнэрээ манана гэдэг том ажил гарч ирж байгаа юм. тэгээд байнга эхнэрээ хажуудаа байлгаад нүд салгахгүй болохоор өнөөх турк эр цалин дээрээ новширч өмнөх эзний занг давтаж эхэлсэн… дэлгэрэнгүйг ОДОО ЦАГ сониноос

Leave a Reply

Your email address will not be published.

Шинэ мэдээ
Эдийн засаг
Ярилцлага