ОХУ-ын Цэрэг-техникийн хамтын ажиллагаа зэвсэглэл, техник нийлүүлэх ЗАСГИЙН ГАЗАР ХООРОНДЫН ХЭЛЭЛЦЭЭРТ ГАРЫН ҮСЭГ ЗУРЛАА
2018 оны Juneын 28

Батлан хамгаалахын дэд сайд Т.Дуламдорж тэргүүтэй албаныхан ОХУ-ын Цэрэг-техникийн хамтын ажиллагааны Холбооны албаны орлогч захирал В.Н.Дрожжов тэргүүтэй төлөөлөгчдийг хүлээн авч уулзлаа. Энэ үеэр Батлан хамгаалахын дэд сайд Т.Дуламдорж “ОХУ-аас Монгол Улсын Зэвсэгт хүчний зэвсэглэл, техникийг шинэчлэхэд олон удаа буцалтгүй тусламж үзүүлж ирсэнд бид баяртай байдаг. Тусламж үзүүлэх анхны хэлэлцээрийг байгуулахаас эхлээд түүний хүчинтэй хугацааг удаа дараа сунгах, зэвсэглэл, техник нийлүүлэхэд ОХУ-ын Цэрэг-техникийн хамтын ажиллагааны Холбооны алба, түүний удирдлага Та бүхэн ихээхэн анхаарч чухал үүрэг гүйцэтгэж байгаад Монгол Улсын БХЯ-ны өмнөөс талархал илэрхийлье. Энэ удаа ч Монгол Улсад цэрэг-техникийн тусламж үзүүлэх тухай 2 улсын Засгийн газар хоорондын хэлэлцээрийн үйлчлэлийг сэргээж, тусламжийн нийлүүлэлтийг үргэлжлүүлэх эрх зүйн үндсийг бүрдүүлэх боломж бүрдсэнд манай салбарынхан баяртай байна” хэмээв. Уулзалтын дараа талууд “Монгол Улсад цэрэг-техникийн буцалтгүй тусламж үзүүлэх тухай Монгол Улсын Засгийн газар, ОХУ-ын Засгийн газар хоорондын хэлэлцээрийн үйлчлэлийг сэргээх тухай хоёр улсын Засгийн газар хоорондын протокол”-д гарын үсэг зурсан юм.

Эх сурвалж: “Соёмбо” сонин, ахлах дэслэгч М.Мөнхзориг

Leave a Reply

Your email address will not be published.

Шинэ мэдээ
Эдийн засаг
Ярилцлага