60 тэрбум VS ЖДҮ-чид
2018 оны Decemberын 6

УИХ-ын 27 гишүүн У.Хүрэлсүхийн Засгийн газрын эсрэг гарын үсэг зурж,  УИХ-д өргөн барилаа. УИХ-ын гишүүн  Ц.Мөнх-Оргил, Ж.Бат-Эрдэнэ, М.Билэгт, Н.Номтойбаяр, О.Содбилэг, Д.Оюунхорол, Ж.Эрдэнэбат, А.Ундраа, Н.Амарзаяа, Л.Энх-Амгалан, Ё.Баатарбилэг, Б.Бат-Эрдэнэ, С.Бямбацогт, Ж.Ганбаатар, Д.Ганболд, Б.Дэлгэрсайхан, Л.Мөнхбаатар,  Ж.Мөнхбат, Г.Мөнхцэцэг,  Н.Оюундарь, Б.Саранчимэг, Г.Тэмүүлэн,  Д.Тэрбишдагва, Б.Ундармаа,  А.Ундраа,  Ц.Цогзолмаа нарын гишүүд зуржээ.

ЖДҮ-ийн зээлтэй холбогдсон гишүүд ууртай бухимдалтай байна. Тэдний ярианаас хандлагын хол зөрүү байгаа нь ард иргэдэд улам бүр мэдрэгдсээр байгаа. Өөрөөр хэлвэл “Юун сүртэй юм. Надад хамаагүй. маргааш төлчихье л дөө” гэх мэт хандлагууд.  Хүнс, хөдөө аж ахуй, хөнгөн үйлдвэрийн сайд Б.Батзориг 1.4 тэрбумыг, Зам тээвэр, хөгжлийн сайд Я.Содбаатар 1.2 тэрбумыг, УИХ-ын гишүүн Г.Солтан 950 саяыг, УИХ-ын гишүүн Х.Болорчулуун мөн 950 саяыг авсан нь ил болоод байсан юм. Тэгвэл өнгөрсөн баасан гаригт сөрөг хүчнийхэн нэмж хэд хэдэн хүний нэрийг ил болгосны дунд УИХ-ын гишүүн Ж.Энхбаяр, залуу гишүүдийн нэг Н.Учралын аавын нэр дурдагдсан нь олон нийтийн анхаарлыг улам бүр татах боллоо.

-Эхнэр Л.Отгонжаргалынх нь “Тээвэр ачлал” ХХК ЖДҮХС-гаас 1.4 тэрбум төгрөгийн зээл авсан талаар Хүнс, хөдөө аж ахуй, хөнгөн үйлдвэрийн сайд Б.Батзориг “Надтай хамааралтай хүний нэр дээр болон надад ямар ч компани байхгүй. Энэ бол гүтгэлэг. Зээлийн журам маш хатуу. Сонгон шалгаруулалт зарладаг, аж ахуйн нэгжийн материалыг авдаг, комисс шалгаруулж, баталгаа барьцааг нь авч байж олгодог юм билээ. Барьцаагүй, баталгаагүй хүн энэ зээлийг авах боломжгүй. Үнэхээр барьцаагаа тавиад, сайн төсөл боловсруулаад ороод ирсэн бол ямар ч компани хамрагдах бүрэн боломжтой” гэсэн бол, өөрийн  эзэмшлийн “Эпато анарваан” ХХК нь 1.2 тэрбум төгрөгийн зээл авсан баримт ил болоод байгаа талаар Зам тээвэр, хөгжлийн сайд Я.Содбаатар ” Манай эхнэрийн найзуудтайгаа нийлж байгуулсан аж ахуйн нэгж ЖДҮХ сангаас зээл авсан юм билээ. Эхнэр маань тэр компанийн үйл ажиллагаанд оролцохгүй нэлээн удаж байгаа. Эрүүл мэндийн шалтгаантай байгаа учраас аж ахуйн үйл ажиллагаанд оролцохгүй байгаа. Энэ зээлийн талаар авсан аж ахуйн нэгжээс нь тодруулсан. Сонгон шалгаруулалтад ороод, зээлээ аваад, зориулалтын дагуу ашиглаж, тодорхой ажлын байр бий болгоод байгаа юм билээ” гэв.

Хамгийн сүүлд тайлбар хийсэн Н.Учрал гишүүн нийгэмд буруу ойлголт өгөөд байгаа учраас Хүннү компаниар дамжуулан авсан аавынхаа зээлийг хугацаанаас нь өмнө төлнө” гэжээ.

 

Leave a Reply

Your email address will not be published.

Шинэ мэдээ
Эдийн засаг
Ярилцлага