Энэ удаа та бүхэндээ Монгол хүний бие физиологи, монголын цаг уурын нөхцөлд бүрэн тохирсон ядаргаа тайлж, тамир тэнхээ нэмэгдүүлэн, дархлаа сэргээх нэгэн шидэт шөлний жорыг оруулж байна. Аарцтай шөлний талаар та бүхэн сонсож байсан, зарим нэг нь хийж идэж үзсэн бизээ. Эрт үеэс нүүдэлчин Монголчууд дөрвөн улирлын хатуу цагийг энэ хүнстэй даван туулж ирсэн. Тиймээс та ч бас энэ илч ихтэй шөлийг хийж сураад, гэр бүлийнхээ хоолны цэсэнд оруулж, хавар цагийн ядаргаа, ханиад томуунаас хайртай хүмүүсээ хамгаалаарай.
Орц:
Үхрийн мах-200гр
Аарц-60гр
Сонгинотой лапша
Цагаан гаа-10гр /2 хэрчим/
Сармис-3 хумс
Давс, хар перец
Хийх заавар: Шөл хийх хүйтэн усандаа мах болон цагаан гаа, сармисаа хийж шөл гартал буцалгана. Шөл буцалмагц аарцаа нэмж хутгаад, хайлж дууссаны дараа сонгинотой лапша гоймонгоо тааруулж хийнэ. Дахин буцалгаад сонгино, давсаар амтлаад аягалахад бэлэн боллоо. Аягалсныхаа дараа бага зэргийн ногоон сонгино хэрчээд дээр нь цацаж өгөөрэй. Ингээд ядаргааны эрлэг аарцтай шөл бүх насныханд хамгийн тэжээлтэй, эрүүл хоол байх болно.
сайн